كل الدنيا
أهلا وسهلا
أخي الزائر أختي الزائرة في منتدى كل الدنيا
ندعوك للتسجيل معنا في منتدانا الحبيب لتجد الصحبة الطيبة
والكلمة الحرة والابداع والمعرفة والترفيــــــه


أهلا وسهلا بــ زائر في كل الدنيا نورتنا
 
الرئيسيةالتسجيلدخول

شاطر | 
 

 موضوع: زكي الكناس رئيس جمهورية (الجزء الثالث)

اذهب الى الأسفل 
كاتب الموضوعرسالة
زعيم في الظلام
ع.ن
ع.ن


تاريخ التسجيل : 24/07/2011
عدد المساهمات : 34

مُساهمةموضوع: موضوع: زكي الكناس رئيس جمهورية (الجزء الثالث)    الخميس فبراير 02, 2012 6:28 pm

الحلقة الثالثة
(( زكي بك الكناس يواجه المتظاهرين ))

احتشد الملايين من المواطنين أمام القصر الجمهوري وتتعالي صيحاتهم مرددين (
انزل ...انزل ) ..هذه التظاهرة الحاشدة أسعدت رجال الدبلوماسية المصرية
للتخلص من زكي الكناس الذي أجبرهم على تنصيبه رئيسا للبلاد بعدما أحرجوا مع
الدبلوماسيات الخارجية التي ظنت أنه الرئيس الجديد للبلاد بالخطأ و ما هو
إلا كناس كان ينظف غرفة الرئاسة
زكي الكناس في غرفة الرئاسة و معه حفيظة زوجته يتشاوران :
حفيظة : اتنحى ..اتنحى يا زكي
زكي : انت صدقتي إني ريس بجد يا وليه ...بعدين لو اتنحيت مش حايسيبوني في
حالي ...هو اللي بتنحى دولقتي بيقعد في بيتهم ..ما خلاص ده كان أيام زمان
دلوقتي اللي بيتنحى بيحاكموه و يفضلوا وراه لحد ما يعدموه
حفيظة : طب والعمل ؟؟ حنعمل إيه يا زكي ؟
زكي : مش عارف ..ما تطلعي لهم إنت ..أهو برضه حيتكسفوا منك و مش حيعملوا حاجة ...والنبي يا حياتي
حفيظة : كده برضه يا زكوة ..ترضه أطلع لهم عادي كده ..مش قلقان يعاكسوني و يبصبصوا عليا
زكي ( في سره ) : أنا بقول تطلعي يشوفوكي ينتحروا
حفيظة : بتقول إيه ما سمعتش ؟
زكي : بقول تطلعي يشوفوكي يهدوا ..وبعدين هو حد يجرؤ يبصبص لك يا روحي
حفيظة : أكيد عشان هيخافوا منك
زكي ( في سره ) : لأ ده عشان هيخافوا من الصدمة لما تطلي عليهم
حفيظة : إنت بتبرطم تقول إيه ؟
زكي : مش بقول ...دلوقتي لازم نشوف حل صوت الناس بيقرب قوي ؟

• يدخل غرفة الرئاسة سعادة البك المسئول الرفيع وتعلو على وجهه إبتسامة سخرية ثم يطلق ضحكات متتالية و يقول لزكي بك الكناس :
المسئول : ها يا زكي بيه .. ها يا ريس الناس بتنادي عليك بره مش حتطلع
زكي : أنا في عرض أمك يا شيخ ..أنا كلب و إبن كلب بس خلصني من الورطة دي يا سعادة الباشا
المسئول : ليه يا زكي بيه ..مش كنت فرحان قوي يا خويا و إنت بترد على
الرئيس الأمريكي في التليفون و دبستنا معاك يا رمة ..اتنيل شوف حتعمل إيه
.. يا إما تطلع لهم يا إما الناس على الباب و حيدخلوا يجيبوك إنت و حفيظة
هانم من قفاكم
• يتابع المسئول ضحكاته و يخرج من الغرفة ..و يترك زكي بك الكناس و حفيظة
هانم البرعي في ورطتهما ...ويقف الجميع من طاقم الحراسة في بهو القصر و قد
تلقوا أمرا من المسئولين رفيعي المستوى بعدم حراسة المدعو زكي ليلقى مصيره
المحتوم من قبل المتظاهرين و في البهو تحدث المسئولون مع بعضهم وراحوا
يترقبوا المشهد الضاحك لزكي الكناس حينما يلقى علقة ساخنة من المتظاهرين .
المسئول رقم 1 : ها ها ها ....حنشوف بقى سيادة الرئيس زكي الكناس حيعمل إيه ..ده حياكل حتة علقة سخنة
المسئول رقم 2 : بس حموت وأشوفوه ابن الكلب ده إللي أحرجنا مع الدول بره
..الغبي المتخلف ..ما تيجي نفتح للناس أبواب القصر ..مش كده بقى الوقت
مناسب
المسئول رقم 1 : طبعا أكيد ..أنا حدي أوامر بفتح الأبواب للمتظاهرين

• وفجأة يهرول أحد أفراد طاقم الحراسة إلى المسئول الرفيع ليخبره بأمر خطير
المسئول : فيه إيه يا بني بتجري كده ليه ..في حاجة حصلت ؟ إتكلم
الحارس : الرئيس زكي بك يا فندم
المسئول : الحيوان ده بتسمي رئيس ..ما علينا ..ما له ؟ إتكلم
الحارس : زكي الكناس إختفى يا فندم وفيه حريق بغرفة الرئاسة

(( في الحلقة القادمة ..سيتضح كيف إختفى زكي و أين سيجده الناس ... هل إنتحر هو و حفيظة وما سر هذا الحريق ))

يمكنك أيضا مشاركتنا بتوقعاتكم عن الحلقة القادمة



باسم نور الدين

الرجوع الى أعلى الصفحة اذهب الى الأسفل
 
موضوع: زكي الكناس رئيس جمهورية (الجزء الثالث)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كل الدنيا :: بيت ااثقافة :: القصة والرواية-
انتقل الى: