وردات الجلاش بالكاستر من مطبخي

السلام عليكم ورحمة الله وبركاته



اليوم راح نعمل الجلاش بطريقة سهلة جدا ومختلفة وجديدة يلا نبتدي بسم الله :

اولا : نحضر نصف كوب من الزبدة البلدي او السمنة ونسيحهم على النار لحد ما تذوب تماما من غير ما تغير لونها
ونضيف عليها من 4الى 5 ملاعق زيت ذرة ,ونستخدم فرشاة للدهن على ورقات الجلاش


ثانيا: نبدأ نجيب ورقتين جلاش ونقسمها اتنين بالطول وندهن الورقتين كويس من الداخل بالزبدة والزيدة بالفرشاة


وبعدين نحطهم
على بعض بالتساوي ونبدأ نلفهم رول رفيع مع ترك الجزء الاخير ,ثم نلف الرول
بايدينا زي اللي في الصورة بحيث ان يكون فيه تجويف ونلزق الطرف الاخير
بالزبدة عشان يقفل كويس








وبالشكل ده ها نعمل ورقات الجلاش كلها مع الملاحظة اني ادهن الصينية كمان بالزبدة ونحط الوحدات



وبعدين لما نحطهم في الصينية ندهن الوجه كمان بالزبدة ثم نضعهم في التلاجة لمدة ساعة على الاقل
وعلى فكرة من اسرار الجلاش الجيد هو وضعه في التلاجة كي يساعده ان يكون هش وكرسبي وكمان الزبدة تخلل للداخل



في اثناء ذلك نكون حضرنا الشربات او القطر :

كوبين سكر
+كوب ماء نضعهم على النار حتي يبتدي في الغليان ثم نضع قطرات اليمون ونتركه
على نار هادئة حتى يصبح الشربات ثقيل ولونه كما سيوضح في الصورة
ملاحظة شربات الجلاش لازم يكون تقيل وبارد


ثم نجهز الكاستر وغالبا طريقة تحضيره تكون مكتوبه على العلبة من الخارج
ووضعت اللبن بارد ومعه الكاستر وقليل من السكر وقلبتهم على نارهادئة الى ان ثقل الخليط معي ورفعته من على النار
وتركته حتى يبرد


_نطلع
الجلاش من التلاجة ونجهز الفرن وتكون حرارة الفرن متوسطة ويوضع في الرف
اللي في النص ونخلي بالنا لانه بيستوي بسرعة اول ما يكون لونه ذهبي نخرجه
ونسقيه من الشربات البارد ونتركه ربع ساعة حتى يتشرب القطر جيدا
وده صورته بعد ماخرج من الفرن وسقيناه الشربات







الخطوة الاخيرة

نجيب الكاستر بعد ما برد ونصب بالملعقة في تجويف كل واحدة كما في الصورة






وممكن نرش بسيط على الوجه شوية شيرة او القطر ونزين الوجه بعدها بالمكسرات او بالشيكولاته كما ترغبين
وعلى فكرة ممكن بدل الكاستر نحشيها صوص الشيكولا او جيلي زي ما بتحبي بس عن تجربة الكاستر معاها هايل


ودلوقتي نشوف السرفيس النهائي واستعدوا للصورة وقولو ما شاء الله













معلش ملحوظة :لازم توضع في التلاجة عشان الكاستر يمسك شوية ممكن نصف ساعة
بس الطعم احلى من الجاهز يجنن
وشكلها كمان حلو جدا ان شاء الله تجربوه واي استفسار تحت امركم ومعلش
الصورة فيها تاريخ قديم بس والله انا عملاها قريب بس الكاميرا مش متظبطة
وعفوا لو في حاجة نسيتنها